სრულიად საქართველოს კათოლიკოს-პატრიარქის მილოცვა ვეტერანებს (17.10.2022)

ვეტერანთა დღეს ვულოცავ ყველა ომგამოვლილს, ვინც სამშობლოს დასაცავად უანგაროდ იმსახურა, ვინც დღესაც მზად არის, ქვეყნის კეთილდღეობისათვის უშურველად გაიღოს თავისი სულიერი, გონებრივი თუ ფიზიკური შესაძლებლობები.

ვიცი, რომ მრავალ თქვენგანს ეკონომიურად უჭირს, მაგრამ ამას არ იმჩნევთ.  შევთხოვ უფალს, შეჭირვებული ცხოვრება შეგიმსუბუქოთ, მოგცეთ რწმენის ძალა და ღვთის გზაზე დაუბრკოლებელი სვლის უნარი. 

ღმერთმა დაგლოცოთ თქვენ და სრულიად საქართველო, ამინ!

პატივისცემით, 

სრულიად საქართველოს

კათოლიკოს-პატრიარქი