მის უნეტარესობას, ანასტასიოსს მიტროპოლიტს ტირანისა და მთავარეპისკოპოსს სრულიად ალბანეთისა 

თქვენო უნეტარესობავ, ქრისტესმიერ საყვარელო ძმაო,    

საქართველოს მართლმადიდებელი ეკლესიისა და პირადად ჩემი სახელით გულითადად გილოცავთ დაბადების დღეს.
თქვენ ბრძანდებით ერთ-ერთი უხუცესი ავტოკეფალური მართლმადიდებელი ეკლესიების მეთაურთა შორის, რომელმაც დიდი და ფრიად ნაყოფიერი გზა განვლეთ უფლის სამსახურში და გამორჩეული წვლილი შეიტანეთ ალბანეთის ეკლესიის ისტორიაში. 
შევთხოვთ ღმერთს, კვლავაც მრავალი წელი გამსახუროთ მსოფლიო მართლმადიდებლობის საკეთილდღეოდ.

ქრისტესმიერი ძმური სიყვარულით, 

სრულიად საქართველოს
კათოლიკოს-პატრიარქი     

თბილისი, 2022