ბატონ მინდია უგრეხელიძის 80 წლის იუბილესთან დაკავშირებით
ბატონ მინდია უგრეხელიძეს გულითადად ვულოცავთ საიუბილეო თარიღს.
საერთაშორისო სამართლის სფეროში იგი არის უთვალსაჩინოესი წარმომადგენელი ჩვენი ქვეყნისა, აღიარებული როგორც საქართველოში, ისე ევროპულ სივრცეში.
მოხარულნი ვართ, რომ ბატონი მინდია საქართველოს საპატრიარქოს ანდრია პირველწოდებულის ქართულ უნივერსიტეტშიც მოღვაწეობდა და თავისი ცოდნა ახალგაზრდებს აქაც გაუზიარა.
ღმერთმა დალოცოს იგი, მომადლოს ჯანმრთელობა, დღეგრძელობა და უფლის გზით სვლის უნარი.
ღმერთმა დალოცოს მისი ოჯახი.
პატივისცემით,
სრულიად საქართველოს
კათოლიკოს-პატრიარქი
