საქართველოს
სამოციქულო ავტოკეფალური
მართლმადიდებელი ეკლესია

კათოლიკოს-პატრიარქის ქადაგება კვირაცხოვლობის დღესასწაულზე (23.04.2017)

24 აპრილი
katolikos-patriarqis-qadageba-kviracxovlobis-dghesaswaulze

ყველას გილოცავთ კვირაცხოვლობას. ეს არის უდიდესი საეკლესიო დღესასწაული _ თანასწორი  აღდგომისა. დღევანდელ დღეს ასევე ეწოდება თომას კვირიაკე. მოციქულმა თომამ ეჭვი შეიტანა მაცხოვრის აღდგომაში (რაც ყველამ ნახა) და თქვა, რომ თუ არ შევეხები მის ჭრილობებს ხელებზე, ფეხებზე და არ ვიხილავ მის განგმირულ გვერდს, არ ვიწამებო.

მას  გამოეცხადა მაცხოვარი, თომა მუხლებზე დავარდა და თქვა: „უფალი ჩემი და ღმერთი და ჩემი“.

და აი ჩვენც ვდგავართ ღვთის წინაშე და ვამბობთ: „უფალი ჩვენი და ღმერთი ჩვენი“.

დიდება და მადლობა უფალს, რომ გვაძლევს ცხოვრებისა  და მომავალი არსებობის იმედს.

კვირაცხოვლობის მადლი შეგეწიოთ თქვენ და საქართველოს.