საქართველოს
სამოციქულო ავტოკეფალური
მართლმადიდებელი ეკლესია

საქართველოს პატრიარქმა დიდი ბრიტანეთისა და ირლანდიის ქართულ ეპარქიაში წმინდა გიორგის სახელობის ტაძარი ტაძარი აკურთხა

7 თებერვალი
607-2

სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმიდესი და უნეტარესი ილია II ლონდონში გაემგზავრა. მისი მოგზაურობის მიზანი დიდი ბრიტანეთისა და ირლანდიის ქართულ ეპარქიაში სამრევლო ტაძრის კურთხევა იყო.

6 თებერვალს საქართველოს მართლმადიდებლი ეკლესიის წინამძღოლმა ქართული ტაძარი წმინდა გიორგის სახელზე აკურთხა.

უწმიდესსა და უნეტარესს ახლავს საქართველოს საპატრიარქოს დელეგაცია, წმინდა სინოდის წევრები, ღვთისმსახურნი და მრევლი.

ტაძრის კურთხევისა და წმინდა ლიტურგიის აღსრულების შემდეგ საქართველოს კათოლიკოს-პატრიარქმა მთავარეპისკოპოსის ხარისხში აღამაღლა დიდი ბრიტანეთისა და ირლანდიის ეპისკოპოსი ზენონი და ქადაგებით მიმართა შეკრებილ საზოგადოებას.